काठमाडौं, १७ पुस । लागूऔषध पाँच केजी गाँजासहित २ जना पक्राउ परेका छन् । लालबन्दी पत्थरकोटबाट करिब ५ केजी अवैध लागूऔषध गाँजा सहित २ जनालाई बिहीबार दिउँसो प्रहरीले पक्राउ गरेको हो ।
पक्राउ पर्नेहरूमा धनुषा वटेश्वर नगरपालिका–५ बस्ने २६ वर्षीय पवन महतो र सोही ठाउँ बस्ने १८ वर्षीय किशोर रहेका छन् । प्रहरी चौकी पत्थरकोटबाट खटिएको प्रहरीले ज.८ प २९५४ नम्बरको मोटरसाइकल जाँच गर्नेक्रममा मोटरसाइकलमा सवार उनीहरूलाई झोला र सिमेन्टको बोराभित्र लुकाई ल्याएको उक्त लागूऔषध सहित फेला पारी पक्राउ गरेको जनाएको छ । यस सम्बन्धमा स्थानीय प्रहरीले आवश्यक अनुसन्धान गरिरहेको बताएको छ ।
