काठमाडौं, १८ पुस । काठमाडौंमा आज नेपाल कम्युनिष्ट पार्टी (नेकपा) काठमाडौं जिल्ला कमिटीले बृहत्त कार्यकर्ता भेलाको आयोजना गरेको छ। उक्त भेलामा प्रधानमन्त्री तथा अध्यक्ष केपी शर्मा ओलीले सम्बोधन गर्ने कार्यक्रम छ । अहिले गृहमन्त्री रामबहादुर थापा बादलले सम्बोधन गरिरहेका छन् । उनले अहिले देशले विषम परिस्थितिको सामना गरेको सुनाउँदै भने,”अहिले देशले विषम परिस्थ्तििको सामना गरिरेको छ । यसमा कोभिड १९ ले महत्वपूर्ण भूीमका खेलेको छ । पार्टीको अन्तरसंघर्षले पनि महत्वपूर्ण भूमिका खेलेको छ । विषम परिस्थिति सिर्जना गर्न प्रतिगामी शक्तिको षड्यन्त्र र रणनीतिले भूमिका खेलेको छ । प्रज्ञा भवनमा यो विषम परिस्थितिको कसरी सामना गर्ने ? जनु चूनोति पैदा भएका छन्, प्रश्नहरु पैदा भएका छन् । त्यसको सही जवाफ दिन हामी यहाँ केन्द्रित भएका छौं । कुनैपनि समस्याको समाधान, लक्ष्यको प्राप्ति, संघर्षको सफलताको निर्धारण के कुराले गर्छ ? कम्युनिष्ट सिद्धान्तले भन्छ कि सफलताको निर्धारण सही विचारले प्राप्त गर्छ । सही विचार, नीति, सही कार्यक्रम, सही नेतृत्वको छनौट गर्न सक्नुभयो भने विजय र सफलता निश्चित गर्न सक्नुहुन्छ ।”
