काठमाडौं, १९ पुस । ७७ वर्षीया बृद्ध महिला बलात्कृत भएकी छिन् । बलात्कार गर्ने पुरुष हतुवागढी गाउँपालिका–५ होम्ताङ भोजपुरका ४५ वर्षीय जय कुमार राईलाई शनिबार दिउँसो प्रहरीले पक्राउ गरेको छ ।
मंसिर ३ गते ती महिलाको घरमा कोही नभएको अवस्थामा राईले उनलाई जबरजस्ती करणी गरेको भन्ने खबर प्राप्त हुनासाथ ईलाका प्रहरी कार्यालय घोरेटारबाट खटिएको प्रहरीले पक्राउ गरेको जानकारी दिएको छ ।
त्यस्तै, जबरजस्ती करणी गरेको अभियोगमा २ जनालाई शनिबार बिहान प्रहरीले पक्राउ गरेको छ । २७ वर्षीया महिलालाई जबरजस्ती करणी गरेको अभियोगमा काभ्रे बेथानचोकका अर्जुन प्रसाद तिम्लसिना लगायत २ जना शनिबार पक्राउ परेका हुन् ।
ललितपुर ग्वार्खोस्थित लुम्बिनी गेष्ट हाउसमा ती महिलालाई शुक्रबार दिउँसो ललाई फकाई प्रलोभनमा पारी २ जनाले जबरजस्ती करणी गरेको खबर प्राप्त हुनासाथ महानगरीय प्रहरी वृत्त सातदोबाटोबाट खटिएको प्रहरीले सोही गेष्ट हाउसबाट उनीहरुलाई पक्राउ गरेको जनाएको छ ।
