एजेन्सी, १९ पुस। स्पेनिस ला लिगा फुटबल अन्तर्गत शनिबार राति भएको खेलमा सेल्टा डी भिगोलाई हराउँदै रियल मड्रिड शीर्ष स्थान कायम गर्न सफल भएको छ । घरेलु मैदानमा भएको खेलमा रियलले सेल्टा डी भिगोलाई २–० ले हराएको हो । रियलको तर्फबाट लुकास भाञ्क्वेज र मार्को एसेन्सिओले एक एक गोल गरेका थिए।
खेलको ६ मिनेटमै लुकास भाञ्क्वेजको गोलबाट सुरूवाती अग्रता लिएको रियलले दोस्रो हाफमा अग्रता कायम राख्यो । ५३ औं मिनेटमा मार्को एसेन्सिओले गोल गर्दै रियललाई अग्रता दिलाएको थियो । खेलमा जित दर्ता गरेसँगै १७ खेलबाट रियल मड्रिड ३६ अंकसहित शीर्ष स्थानमा उक्लिएको हो ।-Photo: Agency
