दमक, १० माघ: संस्कृति, पर्यटन तथा नागरिक उड्डयनमन्त्री भानुभक्त ढकालले लोकतन्त्र र आर्थिक समृद्धिका लागि प्रधानमन्त्री ओलीको त्याग, समर्पण र योगदान उच्च रहेको बताएका छन् ।
सार्वजानिक पुस्तकालयको प्रथम राष्ट्रिय महाधिवेशनको आज उद्घाटन गर्दै उनले प्रजातन्त्रका लागि १४ वर्ष बढी जेल जीवन व्यतित गरेका प्रधानमन्त्री ओलीका योगदानकै कारण अहिले देशले काँचुली फेरेको हो भने ।
सरकारले संसद् विघटन गरेर आम निर्वाचनमा जान बाध्यता भएको उल्लेख गर्दै उनले भने,“अब दलहरुले निर्वाचनमार्फत जनताको बीचमा जानुपर्छ । ” मन्त्री ढकालले पठन संस्कृतिको विकास गर्नु सार्वजनिक पुस्तकालयको भूमिका महत्वपूर्ण हुने भएकाले त्यसतर्फ योगदान पु¥याउनुपर्ने उल्लेख गरे । दमक नगरपालिकाका प्रमुख रोमनाथ ओली, नेपाली कांग्रेसका केन्द्रीय सदस्य गुरुराज घिमिरे, राष्ट्रिय प्रजातन्त्र पार्टीका प्रदेश अध्यक्ष राम थापा ,उद्योगी भोलेश्वर दुलाललगायतले पठन सस्कृतिका लागि पुस्तालयको भूमिका अहं रहने बताए ।
देशभरिका १५ वटा शाखाबाट करिब १०० जना प्रतिनिधिको सहभागिता रहेको महाधिवेशनको बन्द सत्रले नयाँ नेतृत्व चयन गर्ने अध्यक्ष भेषराज न्यौपानेले जानकारी दिए ।-रासस/File Photo
