एजेन्सी १६ माघ। इंग्लिस प्रिमियर लिग अन्तर्गतको खेलमा लिभरपुलले बिहीबार टोटनहममाथि ३–१ को जित निकालेको छ । अर्कातर्फ टोटनहम आफ्ना स्ट्राइकर ह्यारी केनलाई चोटका कारण गुमाउन बाध्य रह्यो । ब्राजिली खेलाडी रोबर्टो फिरमिनोले पहिलो हाफको इन्जुरी समयमा गोल गर्न सफल भएका थियो भने त्यसको दुई मिनेटपछि ट्रेन्ट एलेक्जान्डर आर्नोल्डले दोस्रो गोल थपेक थिए । त्यसैगरी साडियो मानेले लिभरपुलका लागि तेस्रो गोल गरे ।
टोटनहमका लागि पिएरे एमलीले गोल गरेका थिए । लिग तालिकामा भने लिभरपुल २० खेलबाट ३७ अंक बनाई चौथो स्थानमा उक्लिन सफल रह्यो । टोटनहम ३३ अंकसाथ छैटौं स्थानमा छ ।-Photo: Agency
