कञ्चनपुर, १९ माघ । लागुऔषध चरेशसहित २ जनालाई प्रहरीले पक्राउ गरेको छ । कञ्चनपुरको बेदकोट नगरपालिका–९ बाट १४ ग्राम ४० मिलीग्राम अवैध लागूऔषध चरेश सहित २ जना आइतबार बिहान पक्राउ परेका हुन् ।
पक्राउ पर्नेहरूमा सोही ठाउँ बस्ने सुरेन्द्र राम लुहार र गोपाल चन्द रहेका छन् । जिल्ला प्रहरी कार्यालय कञ्चनपुर र प्रहरी चौकी सुडाबाट खटिएको प्रहरीले सुरेन्द्र रामको कोठा तलासी गर्दा ३ ग्राम १ सय ८० मिलीग्राम र गोपालको पसलबाट १० ग्राम ८ सय ६० मिलीग्राम गरेर उक्त लागूऔषध बरामद गरी उनीहरूलाई पक्राउ गरेको जानकारी दिएको छ । यस सम्बन्धमा स्थानीय प्रहरीले थप अनुसन्धान गरिरहेको छ ।
