काठमाडौं, १९ माघ । आइएमई जनरल इन्स्योरेन्सले चालु आर्थिक वर्षको दोस्रो त्रैमाससम्मको वित्तीय विवरण सार्वजनिक गरेको छ । विवरण अनुसार इन्स्योरेन्सले १५ करोड २ लाख रुपैयाँ खुद नाफा कमाएको हो । यो गत वर्षको सोही अवधिको तु्लनामा १२५.६७ प्रतिशतले धेरै हो ।
पुस मसान्तसम्ममा कम्पनीले ३६ करोड ३९ लाख रुपैयाँ नाफा कमाएको छ । गत आवको यस अवधिमा इन्स्योरेन्सले ६ करोड ६५ लाख रुपैयाँ नाफा कमाएको थियो । इन्स्योरेन्सको बीमाशुल्क पनि १८.८३ प्रतिशतले बृद्धि भएको हो । गत वर्ष पुस मसान्तसम्ममा इन्स्योरेन्सले ३० करोड ६२ लाख रुपैयाँ नाफा गरेको थियो ।
यो वर्ष लगानी कर्जा तथा अन्यबाट ३ करोड ५४ लाख र पुनर्बीमा कमिशनवापत ८ करोड ९६ लाख रुपैयाँ आम्दानी गरेको बैंकले जारी गरेको विवरणमा उल्लेख गरिएको छ । जगेडा कोषमा २८ करोड ८७ लाख रुपैयाँ, बीमा कोषमा ४३ करोड ५३ लाख रुपैयाँ रहेको इन्स्योरेन्सको १ अर्ब ८ करोड रुपैयाँ चुक्तापुँजी रहेको छ ।
कम्पनीको प्रतिशेयर आम्दानी २७.७८ पैसा र प्रतिशेयर नेटवर्थ १६६.९४ पैसा र मुल्य आम्दानी ३०ः२३ गुणा धेरै छ । इन्स्योरेन्सले ७२ हजार १२५ ओटा बीमालेख जारी गरेर ७१ करोड १३ लाख रुपैयाँ कुल बीमाशुल्क आम्दानी गरेको छ ।
