बर्दिया, २० माघ । अवैध लागूऔषध सहित २ जना पक्राउ परेका छन् । बासगढी नगरपालिका-१ चेपाङ बजारबाट नियन्त्रित लागूऔषध ३६ ट्याब्लेट नाइट्राभेट र २० ग्राम अवैध लागूऔषध ब्राउनसुगर जस्तो देखिने धुलो सहित २ जनालाई सोमबार बिहान प्रहरीले पक्राउ गरेको हो ।
पक्राउ पर्नेहरुमा सुर्खेत बिरेन्द्रनगर नगरपालिका–२ कोलडाँडा बस्ने २० वर्षीय सागर लामीछाने मगर र सोही ठाउँ बस्ने १८ वर्षीय किशोर रहेका छन् । नेपालगञ्जबाट सुर्खेततर्फ जाँदै गरेको भे.९ प ४९३६ नम्बरको स्कुटरलाई ईलाका प्रहरी कार्यालय मोतिपुरबाट खटिएको प्रहरीले जाँच गर्ने क्रममा स्कुटरमा सवार उनीहरुलाई उक्त लागूऔषध सहित फेला पारी पक्राउ गरेको बताएको छ । यस सम्बन्धमा प्रहरीले थप अनुसन्धान गरिरहेको जनाएको छ ।
