काठमाडौं, २३ माघ । शिक्षामन्त्री कृष्णगोपाल श्रेष्ठले गणतन्त्र जोगाउन सडकमा आएको बताएका छन् । आज नेपाल कम्युनिस्ट पार्टीको ओली समूहले नारायणहिटी अगाडि आयोजना गरेको सभामा बोल्दै उनले संविधान संकटमा परेकाले जोगाउन संसद विघटन गरी ताजा जनादेशमा जान लागेको बताए ।
‘गणतन्त्र जोगाउन सडकमा आएका छौं ,’ श्रेष्ठले भने,‘ताजा जनादेशमा गएर संविधान जोगाउन लागेका छौं ।’ देशलाई केपी शर्मा ओलीले मात्र जोगाउन सक्ने दाबी गरे ।
नेकपा विभाजनबारे टिप्पणी गर्दै उनले शिशा मात्र फुटेर गएको बताए । उनले भने,‘हीरा यहाँ छन्, शिशाका टुक्रा फुटेग गए ।’
