काठमाडौं, २५ माघ । नेपाली बजारमा आज सुनको मूल्य घटेको छ । कारोबारको पहिलो दिन आइतवार सुनको मुल्य ५०० रुपैयाँले घटेको हो ।
आइतवार छापावाला सुन प्रतितोला ९० हजार ६०० रुपैयाँमा कारोबार भएको नेपाल सुनचाँदी व्यवसायी महासंघले जनाएको छ । शुक्रवार छापावाला सुनको मूल्य प्रतितोला ९१ हजार १०० मा कारोबार भएको थियो ।
त्यसैगरी, तेजाबी सुन आज प्रतितोला ९० हजार १५० मा कारोबार भएको छ । शुक्रवार तेजाबी सुन प्रतितोला ९० हजार ६०० रुपैयाँमा कारोबार भएको थियो ।
यस्तै, आइतवार चाँदीको मूल्य भने बढेको छ । शुक्रवार प्रतितोला १ हजार ३०० मा कारोबार भएको थियो । चाँदी आइतवार १ हजार ३१० मा कारोबार भएको महासंघले जनाएको छ । शुक्रवारको तुलनामा आइतवार चाँदी १० रुपैयाँले बृद्धि भएको हो ।
