काठमाडौं, २५ माघ । नेपाल बैंक र बनेपा–६ भ्यूटावर मार्ग गोसाईस्थानस्थित आगन्तुक रिसोर्ट प्रालिबीच सम्झौता भएको छ । सम्झौतापछि उक्त रिसोर्टमा बैंकमा कार्यरत कर्मचारीहरु र बैंकमा खाता रहेका ग्राहकहरुले १५ प्रतिशत सम्मको छुट पाउनेछन् ।
डेबिट र क्रेडिटर अन्य प्रिभिलेज कार्ड, मोबाइल–इन्टरनेट बैंकिङलगायतका डिजिटल माध्यममार्फत एकोमोडेसन तथा फुड एण्ड बिभरेजको बिल भुक्तानी गर्दा अधिकतम १५ प्रतिशत सम्मको छुटपाउने सम्भौतापत्रमा हस्ताक्षर भएको छ ।
उक्त सम्झौतापत्रमा बैंकको तर्फबाट प्रमुख कार्यकारी अधिकृत कृष्णबहादुर अधिकारी र रिसोर्टको तर्फबाट प्रबन्ध निर्देशक हरि नेपालले हस्ताक्षर गरेका हुन् ।
नेपाल बैंकले हाल देशभर रहेका २०४ शाखा, ३९ वटा एक्स्टेन्सन काउण्टर, १ सय ४२ वटा एटीएम तथा मोबाइलरइन्टरनेट बैंकिङलगायतका बिभिन्न डिजिटल माध्ययमबाट समेत आफ्नो बैंकिङ सेवा प्रदान गर्दै आइरहेको छ ।
