काठमाडौं, ३० माघ । राष्ट्रिय जनमोर्चाका अध्यक्ष चित्रबहादुर केसीले प्रधानमन्त्री केपी शर्मा ओलीमाथि भारतको इशारामा संसद विघटन गरेको आरोप लगाएका छन् । उनले ओलीले गणतन्त्र र धर्मनीरपेक्षता समाप्त पार्न लागेको आरोप समेत लगाएका छन् ।
प्रगतितिशिल पत्रकार संघ अर्घाखाँचीले सन्धीखर्कमा आयोजना गरेको पत्रकार सम्मेलनमा पूर्व उपप्रधानमन्त्री केसीले भने,‘ओलीले भारतको इशारामा संसद विघटन गरेका हुन् ।’ उनले गणतन्त्र, धर्मनीरपेक्षताविरुद्ध ओलीले कदम चालेको आरोप लगाए । त्यसविरुद्ध नेकपा, काँग्रेस, मधेशवादीलगायत दलहरु एक भएर आन्दोलनको आँधीबेहरी सृजना गर्नुपर्ने बताए ।
प्रधानमन्त्री ओलीको कदममा सहीछाप गरेर राष्ट्रपति विद्यादेवी भण्डारीले गम्भीर गल्ती गरेको केसीको टिप्पणी थियो । उनले ओलीमाथि हिटलरको शैलीमा बढेको आरोप लगाए ।
प्रधानमन्त्री ओलीका कारण राष्ट्रियता नै खतरामा परेको बताए । अब देशलाई जोगाउन लोकतन्त्रवादी, गणतन्त्रवादी शक्तिहरु एक हुनुपर्नेमा जोड दिए ।-फाइल तस्बिर
