काठमाडौं, ५ फागुन । प्रमुख प्रतिपक्षी दल नेपाली कांग्रेसको केन्द्रीय कार्यसमिति बैठक आज बस्दैछ । बैठक बस्नुअघि वरिष्ठ नेता रामचन्द्र पौडेल पक्षका नेताहरुको छुट्टै बैठक बसेको छ । आजको बैठकमा कसरी प्रस्तुत हुने भन्ने विषयमा पौडेल पक्षका केन्द्रीय सदस्यहरु छुट्टै बैठकमा सहभागी भएका हुन् । बैठकमा सहभागी एक नेताकाअनुसार महामन्त्री डा. शशांक कोइराला पनि सहभागी छन् ।
आजको बैठकमा महाधिवेशनको नयाँ मिति तय गर्नेदेखि लिएर प्रतिनिधिसभा विघटनविरुद्ध सशक्त आन्दोलन चर्काउने विषयमा निर्णय हुने जनाईएको छ । संसद विघटनविरुद्ध कांग्रेस सशक्त रुपमा अघि बढ्ने र आज थप नयाँ रणनीति सार्वजनिक गरिने नेता आनन्द्रसाद ढुंगानाले जानकारी दिएका छन् । File Photo/ReporterNepal
