काठमाडौं, ८ फागुन । प्रधानमन्त्री तथा नेकपा ओली समूहका अध्यक्ष केपी शर्मा ओलीले आफूले सिद्दिसकेको प्रचण्डलाई आफूले दुई चार सिट जिताएर सिङ हालिदिएको र पछि आफूहरुलाई नै सिध्याउँछु भन्न थालेको टिप्पणी गरे । उनले प्रचण्डको नियती अब असफलताबाहेक केही नहुने जिकिर गरे । उनले भने,‘उहाँ अब फर्किने बाटोमा होईन, खिईने र सिद्दिने बाटोमा हिँड्नुभयो ।’
आज विराटनगरमा आयोजना गरिएको पार्टीको विशाल जनसभालाई सम्बोधन गर्दै प्रधानमन्त्री ओलीले यस्तो बताएका हुन् । उनले आफूहरुलाई समृद्धिको यात्रामा कसैले अवरोध गरे सह्य नहुने पनि टिप्पणी गरे । उनले सुरुमा दाहालसँग बैद्य रहेको, पछि डाक्टर रहेको र अहिले झाँक्री रहेको पनि सुनाए । तर, प्रचण्डलाई अब झाँक्रीले पनि बचाउन नसक्ने उनको टिप्पणी छ । File Photo
