झापा, १७ फागुन । धारिलो हतियार प्रहार गरी घाइते बनाएको अभियोगमा आइतबार राति एकजना पक्राउ परेका छन् । आफ्नै साथी ३४ वर्षीय कुसुम राईलाई धारिलो हतियार दाउ प्रहार गरी घाइते बनाएको अभियोगमा अर्जुनधारा कालीझोरा बस्ने ३३ वर्षीय बसन्त राईलाई प्रहरीले पक्राउ गरेको हो ।
कुसुमको घरमा दुबै जनाले मादक पदार्थ सेवन गरी एक आपसमा सामान्य बादविबाद हुँदा बसन्त राईले दाउ प्रहार गर्दा कुसुम घाइते भएको खबर प्राप्त हुनासाथ ईलाका प्रहरी कार्यालय अनारमनी र प्रहरी चौकी चारआलीबाट खटिएको प्रहरीले बसन्तलाई पक्राउ गरेको जनाएको छ । घाइते कुसुमको बिएण्डसी अस्पताल विर्तामोडमा उपचार भइरहेको छ ।
यस सम्बन्धमा प्रहरीले थप अनुसन्धान गरिरहेको बताएको छ ।
