काठमाडौं, २५ फागुन । पछिल्लो पुस्ताका चर्चित अभिनेता अनमोल केसी र अभिनेत्री सुहाना थापाले अभिनय गरेको फिल्म ‘ए मेरो हजुर–४’ आगामी भदौमा प्रदर्शन हुने भएको छ । फिल्मको निर्माण पक्षले सोमबार फिल्मको एक पोस्टर जारी गर्दै २०७८ भाद्र १८ गते पदर्शन गर्ने जानकारी दिएको हो ।
सार्वजनिक भएको पोस्टरमा अनमोल र सुहाना रोमान्टिक देखिएका छन् । फिल्मको पोस्टरमा सुहाना लजाएकी छिन् । फिल्म महिलाहरुको महान चाड तीजको अवसरमा पदर्शन गर्ने भएको छ । फिल्मको निर्माण सुनिल कुमार थापाले गरेका हुन् भने निर्देशन झरना थापाले गरेकी छिन् ।
