काठमाडौं, २६ फागुन । नेकपा (माओवादी केन्द्र) को स्थायी कमिटी बैठक सम्पन्न भएको छ । आजको बैठकले संगठन निर्माणलाई ठोस रूप दिन चार सदस्यीय कार्यदल गठन गरेको नेता शक्ति बहादुर बस्नेतले जानकारी दिए । उनकाअनुसार उक्त कार्यदलमा नेताहरु गिरिराजमणि पोखरेल, वर्षमान पुन, पम्फा भुसाल र जनार्दन शर्मा छन् ।
त्यस्तै, आजको बैठकमा अध्यक्ष पुष्पकमल दाहालले सत्ता समिकरणको लागि आफूले कांग्रेस सभापति शेरबहादुर देउवा र जसपा नेपालका संघीय परिषद अध्यक्ष डा. बाबुराम भट्टराईसँग गरेको भेटवार्ताबारे पनि ब्रिफिङ गरेका छन् । हिजोमात्रै दाहालले देउवा र भट्टराईसँग छुट्टाछुट्टै भेटवार्ता गरेका थिए । प्रधानमन्त्री केपी शर्मा ओलीलाई दिएको समर्थन फिर्ता लिनेबारे भने आजको बैठकमा ठोस निर्णय नभएको प्रवक्ता नारायणकाजी श्रेष्ठले जानकारी दिए । File Photo/ReportersNepal
