काठमाडौं, २६ फागुन । नेकपा (एमाले) का उपाध्यक्ष डा. भीम रावलले आफ्नो सुदुरपश्चिम प्रदेश कार्यलय तोडफोड भएको भन्दै पत्रकार सम्मेलन गर्ने भएका छन् । उनले अहिले केही बेरमै रिपोर्टर्स क्लब नेपालमा पत्रकार सम्मेलनको आयोजना गर्न लागेका हुन् ।
आज कैलालीमा नेकपा एमालेका ओली पक्ष र माधव नेपाल पक्षबीच झडप भएको छ । पार्टी कार्यालयमा प्रदेश ईन्चार्जको कार्यकक्ष बाहिर लेखराज भट्टको नेमप्लेट राखेपछि माधव नेपाल पक्षका कार्यकर्ताले नेमप्लेट हटाएका थिए । उक्त पक्षले नेकपाको सुदूरपश्चिम ईन्चार्ज भीम रावल भएको भन्दै भट्टको नेमप्लेट हटाएका हुन् । नेमप्लेट हटाएपछि झडप भएको हो । विवाद बढ्दै गएपछि दुई पक्षबीच कुटाकुट भएको हो ।
