जनकपुरधाम, फागुन २७ । धनुषामा ६ वटा डिजे (बाजा) प्रहरीको नियन्त्रणमा परेको छ । जनकपुर उपमहानगरपालिकाभित्रै चर्को साउण्डमा डिजे बजाएको भन्दै गएराती २ वटा मेसिनहरु नियन्त्रणमा लिएको धनुषाका प्रहरी प्रवक्ता मकेन्द्र मिश्रले जानकारी दिए ।
यसैगरी, धनुषाको जनकनन्दिनी गाउँपालिकाले गाउँपालिकाभरि डिजे र एण्डको राती १० बजेदेखि विहान ६ बजेसम्म प्रतिबन्ध गरेपनि डिजेबालाहरुले जबरदस्ती बजाएको भन्दै ४ जना कारवाहीमा परेका र दुई वटा डिजे र मेसिनलाई सहमति गरी छाडिएको ईलाका प्रहरी कार्यालय खजुरीका प्रहरी ईन्सपेक्टर हृयेन्द्र रोकायाले बताए ।
दुई वटा डिजे मेसिन अझै ईलाका प्रहरी कार्यालय खजुरीको नियन्त्रणमा रहेको बताएको छ ।
ईन्सपेक्टर रोकायाका अनुसार, चार जनालाई मात्र कारवाही गरेपछि जनकनन्दिनी गाउँपालिकाभित्र अहिले ध्वनी प्रदुषण ९० प्रतिशतसम्म न्यून भएको दाबी गरे ।
