काठमाडौ,२ चैत्र । लागूऔषध सहित २ जनालाई प्रहरीले पक्राउ गरेको छ । पर्साको वीरगंज महानगरपालिका–१६ रजतजयन्ती चोकबाट नियन्त्रित लागूऔषध वानरेक्स ५० बोतल र नाइट्राभेट ३ सय ट्याब्लेट सहित २ जना आइतबार दिउँसो पक्राउ परेका हुन् ।
पक्राउ पर्नेहरुमा भारत युपी राज्य गोरखपुर घर भएका ५५ वर्षीय रमेश दास र मकवानपुर हेटौंडा उपमहानगरपालिका-९ घर भएका २९ वर्षीय राम कुमार देउजा रहेका छन् । लागूऔषध नियन्त्रण ब्यूरो वीरगंज पर्साबाट खटिएको प्रहरीले भारतबाट नेपालतर्फ पैदल आउँदै गरेका उनीहरुलाई जाँच गर्दा तरकारी हालेको बोरामा उक्त लागूऔषध लुकाइछिपाई राखेको अवस्थामा फेला पारी पक्राउ गरेको जनाएको छ । यस सम्बन्धमा स्थानीय प्रहरीले आवश्यक अनुसन्धान गरिरहेको छ ।
