काठमाडौं, ५ चैत्र । कोरोना महामारीको कारण राम्रोसँग खुल्न नसकेको नेपाली चलचित्र उद्योग अझैपनि पुरानो लयमा फर्कन सकेको छैन् । फिल्म निर्माताहरु नयाँ फिल्म पदर्शन गर्न डराइरेका छन् । ०७८ सालको हिन्दु नारीहरुको महान चाड तीजको अवसरमा दुई नेपाली फिल्महरु टक्कर हुने भएको छ ।
सुनिल कुमार थापा निर्माता तथा झरना थापाको निर्देशन रहेको फिल्म ‘ए मेरो हजुर ४’ को प्रदर्शन तीजको अवसरमा भाद्र १८ गते हुने घोषणा यस अघि नै भएको थियो । फिल्ममा नायक अनमोल केसी र नायिका सुहाना थापाको सशक्क्त अभिनय रहेको छ ।
भाद्रमा नै अर्को फिल्म ‘सम्हालिन्छ कहिले मन’ पनि प्रदर्शन हुने भएको छ । भर्खरै मात्र विदेशमा छायांकन सकेर आएको निर्माण पक्षले भदौको १८ गते फिल्म प्रदर्शन गर्ने घोषणा गरेको हो । सुदर्शन थापाको निर्देशन तथा सनिष खकुरेल कार्यकारी निर्माता बनेको यो फिल्ममा पुजा शर्मा, आकाश श्रेष्ठको लिड रोल रहेको छ । फिल्ममा पुराना कलाकारहरु गौरी मल्ल, सरोज खनाल, धिरेन शाक्यले पनि अभिनय गरेका छन् । फिल्मको अमित बस्नेत निर्माता र सह–निर्मातामा परी राना तथा अजित कुमार थापा रहेका छन् ।
