काठमाडौं, चैत ६ । नेपाली कांग्रेसका नेता तथा पूर्वमन्त्री नवीन्द्रराज जोशीको उपचारमा सरकारले १० लाख रुपैयाँ सहयोग गर्ने भएको छ।
उपप्रधानमन्त्री ईश्वर पोखरेलले आज बिहान थापाथलीस्थित नर्भिक इन्टरनेसनल हस्पिटलमा उपचाररत जोशीको स्वास्थ्य अवस्था बुझ्दै सरकारले १० लाख सहयोग गर्ने बताएका हुन्।
उपप्रधानमन्त्री पोखरेलले आज विहान अस्पताल पुगेर जोशीको पछिल्लो स्वास्थ्य अवस्थाको विषयमा जानकारी लिएका थिए। सो क्रममा उनले जोशीको शीघ्र स्वास्थ्यलाभको समेत कामना गरेका छन् ।
गत फागुन १४ गते मस्तिष्कघात भई नर्भिक इन्टरनेसनल अस्पतालमा भर्ना गरिएका नेता जोशीको भेन्टिलेटरमा राखेर उपचार जारी राखिएको छ।
