कञ्चनपुर, चैत ९ । कञ्चनपुरमा वेवारिसे अवस्थामा एउटा कार फेला परेको छ। जिल्लाको भीमदत्त नगरपालिका–४ स्थित स्थानीय बजारमा भन्छार छलेर भित्र्याइएको कार प्रहरीको टोलीले बरामद गरेको हो।
अन्दाजी ५ लाख मूल्य बराबरको भारतीय नम्बर प्लेट ‘डीएल७सी’को सान्ट्रो कार बरामद गरिएको जिल्ला प्रहरी कार्यालय कञ्चनपुरले जनाएको छ।
बरामद भएको कार आवश्यक कारावाहीका लागि भन्सार कार्यालय गड्डाचौकी पठाइएको कञ्चनपुर प्रहरीका प्रवक्ता प्रहरी नायव उपरीक्षक अमरबहादुर थापा क्षेत्रीले बताए।
