बारा, १० चैत्र । लागुऔषध गाँजासहित एक महिला पक्राउ परेकी छिन् । जितपुरसिमरा उपमहानगरपालिका–७ टेढास्थित सडकबाट करिब २० केजी अवैध लागूऔषध गाँजा सहित पर्सा सुगौली पटेर्वा बस्ने ३६ वर्षीया प्रमिला मुसहरलाई सोमबार साँझ प्रहरीले पक्राउ गरेको हो ।
ईलाका प्रहरी कार्यालय जितपुरबाट खटिएको प्रहरीले जाँच गर्ने क्रममा उनलाई उक्त गाँजा सहित फेला पारी पक्राउ गरेको जनाएको छ । यस सम्बन्धमा स्थानीय प्रहरीले थप अनुसन्धान गरिरहेको छ ।
