नवलपरासी, १२ चैत्र । तास खेलिरहेको अवस्थामा ८ जना पक्राउ परेका छन् । कावासोती नगरपालिका–१३ बस्ने ५४ वर्षीय कृष्ण गुरुङको तमुको किराना पसलमा तास खेलिरहेको अवस्थामा कृष्ण गुरुङ लगायत ८ जनालाई बुधबार दिउँसो प्रहरीले पक्राउ गरेको छ ।
जिल्ला प्रहरी कार्यालय नवलपरासी(पूर्व)बाट खटिएको प्रहरीले उनीहरूलाई नगद ४९ हजार २ सय ७५ रुपैयाँ र ३ बुक तास सहित फेला पारी पक्राउ गरेको जनाएको छ । यस सम्बन्धमा प्रहरीले थप अनुसन्धान गरिरहेको बताएको छ ।
