कैलाली, १३ चैत्र । अवैध लागूऔषध चरेश सहित एकजनालाई बिहीबार प्रहरीले पक्राउ गरेको छ । गोदावरी नगरपालिका–१ बसन्तपुर बस्ने ४० वर्षीय चेतराज ऐर करिब ९ सय ४० ग्राम अवैध लागूऔषध चरेश सहित बिहीबार दिउँसो पक्राउ परेका हुन् ।
उनको किराना पसलमा अवैध लागूऔषध चरेश बिक्री भइरहेको भन्ने सूचनाको आधारमा जिल्ला प्रहरी कार्यालय कैलाली र ईलाका प्रहरी कार्यालय मालाखेतीबाट खटिएको प्रहरीले पसल तलासी गर्दा लुकाई राखेको उक्त लागूऔषध फेला पारी उनलाई पक्राउ गरेको जनाएको छ ।
यस सम्बन्धमा प्रहरीले थप अनुसन्धान गरिरहेको छ ।
