प्रधानमन्त्री ओली र सभामुख सापकोटाबीच बालुवाटारमा भेटवार्ता, के कुरा भयो ?

काठमाडौं, १५ चैत्र । प्रतिनिधिसभाका सभामुख अग्निप्रसाद सापकोटाले प्रधानमन्त्री केपी शर्मा ओलीसँग भेटवार्ता गरेका छन् । आज प्रधानमन्त्रीको सरकारी निवास बालुवाटारमा भएको भेटवार्तामा संसदलाई प्रभावकारी बनाउने र सार्वजनिक महत्वका विधेयकलाई अगाडि बढाउने विषयमा कुराकानी भएको हो ।

सभामुखले प्रधानमन्त्रीलाई भेट्नको लागि आफूले समय मागेको यसअघि पनि बताएका थिए । समय मागेको तीन दिनपछि सभामुखले प्रधानमन्त्री ओलीलाई आज भेटेका हुन् । पछिल्लो समय सरकारले संसदलाई विजनेश नदिएको भनेर सांसदहरुले समेत आलोचना गरिरहेको बेला आज प्रधानमन्त्री ओली र सभामुखबीच भेटवार्ता भएको हो । Photo Source: PM’s Press Advisor