काठमाडौं, १६ चैत्र । थ्री नेसन्स कपको उपाधि नेपालले जितेको छ । बंगलादेशलाई २–१ ले पराजित गर्दै नेपाल विजयी भएको हो । सोमबार दशरथ रंगशालमा भएको फाइनलमा बंगलादेशलाई हराउँदै नेपालले उपाधि जितेको हो ।
यससँगै ३७ वर्षपछि नेपालले घरेलु भूमिमा उपाधि जितेको हो । यस अघि नेपालले सन् १९८४ को सागमा घरेलु मैदानमा उपाधि जितेको थियो । उपाधिसँगै नेपालले ५ हजार अमेरिकी डलर प्राप्त गरेको छ । उपविजेता बनेको बंगलादेशले ३ हजार डलर प्राप्त गर्यो ।
नेपालको जितको लागि संजोक राई र विशाल राई ुबीु ले एक एक गोल गरे । बंगलादेशका महबुबुर रहमानले एक गोल फर्काएका थिए ।
