काठमाडौं, १९ चैत्र । नेकपा (एमाले) माधव कुमार नेपाल पक्षधर युवा संघ नेपालका अध्यक्ष नरेश शाहीले आफूहरुले युवा संघ नफुटेको दाबी गरेका छन् । उनले ।युवा संघ एमालेमा एउटामात्रै रहेको स्पष्ट पारे । हिजो राति प्राइम टाईम्स टेलिभिजनबाट प्रसारण भएको जनता जान्न चाहन्छन् कार्यक्रममा पत्रकार ऋषि धमलासँग कुरा गर्दै उनले यस्तो बताएका हुन् ।
उनले आफूहरुले नै युवा संघ बनाएको पनि जिकिर गरे । उनले आफूलाई भेलाले अध्यक्ष बनाएको जानकारी दिए । उनले एमालेको युवा संघ आफूहरुमात्रै भएको सुनाउँदै अर्को भए देखाउन चूनौति दिए । उनले राष्ट्रिय युवा संघ त नेकपाको एकता बदर भएसँगै खारेज भएको पनि जिकिर गरे । उनले आफूले सबै प्रक्रिया पूरा गरेर नै अध्यक्ष भएको दाबी गरे ।
