काठमाडौं, २० चैत्र । नेपाल लगायत विभिन्न देशमा कोरोना भाइरस पुःन बढ्दै गइरहेको छ । प्रत्येक दिन हजारौ संख्यामा मानिसहरु संक्रमित भएका छन् । बलिउडका कलाकारहरु पनि भाइरसका सिकार भइसकेका छन् ।
संक्रमितको सुचीमा बलिउड अभिनेत्री आलिया भट्टको नाम पनि थपिएको छ । आलिया आफैले संक्रमित भएको सामाजिक सञ्जालमार्फत जानकारी दिएकी हुन् । केही दिन अगाडी उनका प्रेमी तथा अभिनेता रणवीर कपुर कोरोनाबाट संक्रमित भएका थिए ।
आलियाले इन्स्टाग्राममा लेखेकी छिन्, ‘म कोभिड संक्रमित भए । संक्रमित भएको कारण घरमा नै क्वारेन्टिमा बसेको छु । डाक्टरको दिएको सल्लाह पालन गरेको छु । तपाईहरु सबैले आफ्नो ख्याल गर्नुहोला ।’ बलिउडका कलाकारहरु आमिर खान, कात्तिक आर्यन, विक्रान्त मैसे, मनोज बाजपेयी, तारा सुतारिया संक्रमित भइसकेका छन् ।
