काठमाडौं, २० चैत्र । अवैध लागूऔषध गाँजा करिब १२ किलो बिहीबार दिउँसो प्रहरीले बरामद गरेको छ । गौर नगरपालिका–४ टिकुलिया टोलस्थित गहुँबारीमा वेवारिसे अवस्थामा रहेको अवैध लागूऔषध गाँजा करिब १२ किलो बिहीबार दिउँसो प्रहरीले बरामद गरेको हो ।
वेवारिसे अवस्थामा गाँजा रहेको खबर प्राप्त हुनासाथ जिल्ला प्रहरी कार्यालय रौतहटबाट खटिएको प्रहरीले उक्त गाँजा बरामद गरेको जनाएको छ । यस सम्बन्धमा स्थानीय प्रहरीले थप अनुसन्धान गरिरहेको बताएको छ ।
