एजेन्सी, २२ चैत्र । विश्वका विभिन्न देशहरुमा कोरोना भाइरस तिव्ररुपले फैलिदै गएको छ । कोरोनाको प्रकोपले बलिउड क्षेत्र पनि अछुतो रहन सकेन । आज बलिउडका हस्ती तथा सबै भन्दा व्यस्त अभिनेता अक्षय कुमार पनि संक्रमित भएका छन् ।
अक्षय कुमारले सामाजिक संञ्जालमार्फत आफु संक्रमित भएको जानकारी दिएका हुन् । उनले आफु होम क्वारेन्टिनमा रहेको र नियम पालना गरेको पनि बताएका छन् । अक्षयले पोस्टमा लेखेका छन्, ‘आज बिहान मेरो रिपोर्ट पोजेटिभ आयो । प्रोटोकल्सको पालना गर्दै होम आइसोलेसनमा बसेको छु । म घरकै क्वारेन्टिनमा छु ।’
अक्षयले उनीसँग सम्पर्कमा आएका सबैलाई कोरोना जाँच गराउन र आफ्नो ध्यान दिन आग्रह पनि गरेका छन् । अक्षय कुमारको चार फिल्महरुको काम अन्तिम चरणमा रहेका छन् । मे महिनामा उनको फिल्म ‘सुर्यवंशी’ रिलिज हुने भएको छ ।
