एजेन्सी, २२ चैत्र । बलिउड अभिनेत्री श्रद्वा कपुरले केही फिल्ममार्फत राम्रो अभिनयको कारण दर्शकको मन जितेकी छिन् । दर्शकहरु उनको नयाँ फिल्मको पर्खाइमा छन् । उनले सामाजिक सञ्जालमार्फत एक भिडियो शेयर गर्दै आज नयाँ फिल्म ‘चालबाज इन लण्डन’ घोषणा गरेकी हुन् ।
पोस्ट शेयर गर्दै श्रद्वाले लेखेकी छिन्, ‘चालबाज इन लण्डन ।’ रोमान्टिक कमेडी यस फिल्ममा अभिनेत्रीले पोस्टमार्फत श्रीदेवीको क्लासिक फिल्म चालबाज निर्माण गरेका पंकज पाराशरको निर्देशन तथा भुषण कुमार, कृष्ण कुमार, अहमद खान र शायरा खान निर्माताहरु रहेको पनि जानकारी दिएकी छिन् । श्रद्वा पहिलो पटक यस फिल्ममार्फत डबल भुमिकामा अभिनय गर्ने भएकी हुन् ।
उनले काम प्रति उत्साहित भएको र आफ्नो जिम्मवारी पुरा गर्ने पनि बताएकी छिन् । श्रद्वा पछिल्लो समय रोहन श्रेष्ठसँगको विवाहलाई लिएर चर्चामा आएकी थिइन् ।
