मकवानपुर, २३ चैत्र । लागूऔषध चरेश जस्तो देखिने वस्तु आइतबार दिउँसो प्रहरीले बरामद गरेको छ । भिमफेदी गाउँपालिका–२ कालिकाटारबाट करिब १० किलो अवैध लागूऔषध चरेश जस्तो देखिने वस्तु आइतबार दिउँसो प्रहरीले बरामद गरेको हो ।
प्रहरी चौकी भैसेबाट गस्तीमा खटिएको प्रहरीलाई देख्नासाथ ३ जना व्यक्तिले झोला फाली जंगलतर्फ फरार भएपश्चात झोला जाँच गर्दा उक्त वस्तु फेला पारी बरामद गरेको बताएको छ । हाल फरार व्यक्तिहरूको प्रहरीले खोजी गरिरहेको जनाएको छ । यस सम्बन्धमा स्थानीय प्रहरीले थप अनुसन्धान गरिरहेको बताएको छ ।
