काठमाडौं, २४ चैत्र । नेपाली चलचित्र क्षेत्रकी आशा लाग्दो नायिका हुन् वर्षा शिवाकोटी । आज उनको २८ औं जन्म दिन हो । ‘नाई नभन्नु ल २’बाट फिल्म क्षेत्रमा डेब्वु गरेकी वर्षाले लगतै दोस्रो फिल्म ‘पशुपति प्रसाद’ मा अभिनय गरेकी थिइन् । ‘पशुपति प्रसाद’ उनको सफल फिल्म हो ।
विराटनगरमा जन्मिएकी वर्षाले बि.बि.ए सम्म अध्ययन गरेकी छिन् । पछिल्लो समयमा उनले अभिनय गरेको फिल्म ‘बीर बिक्रम २’ खासै दर्शकको मन जित्न सकेन । उनका फिल्मले सफलता नपाएपनि उनी भने सधै चर्चामा हुने गर्छिन् ।
प्रेम सम्बन्धको कारण पनि चर्चा आउने वर्षा अहिले चलचित्र विकास बोर्डका सदस्य राज कटुवालको प्रेममा रहेको खबर बाहिरिएको छ । यस पटकको होली पनि उनीहरुले सँगै मनाएका थिए । प्रेमी राज कटुवालले सामाजिक सञ्जाल फेसबुकमा दुई जनाको फोटो शेयर गर्दै वर्षालाई जन्मदिनको शुभकामना दिएका छन् । तस्वीरः वर्षा शिवाकोटीको फेसबुकबाट
