धादिङ, २७ चैत्र । अवैध रुपमा ल्याउँदै गरेका जडिबुटी सहित २ जनालाई मंगलबार बिहान प्रहरीले पक्राउ गरेको छ । खनियावास गाउँपालिका–३ दामन(पाख्रीन सडकबाट अवैध रुपमा ल्याउँदै गरेका विभिन्न जडिबुटी सहित २ जना पक्राउ परेका हुन् ।
पक्राउ पर्नेहरूमा खनियावास गाउँपालिका–२ बस्ने ३५ वर्षीय रामकुमार तामाङ र सोही गाउँपालिका–३ बस्ने ४७ वर्षीय उद्धब सिं तामाङ रहेका छन् । डुण्डुरेबाट धादिङबेसीतर्फ आउँदै गरेको बा–५ ख ६३४५ नम्बरको गाडीलाई जिल्ला प्रहरी कार्यालय धादिङ तथा मातहत समेतबाट खटिएको प्रहरीले जाँच गर्ने क्रममा अबैध रुपमा ल्याउँदै गरेका ३ सय ५९ किलोग्राम मजिठो, १ हजार १४ किलोग्राम पाखनबेद, १७ किलोग्राम चिराईतो र ८ किलोग्राम कालीकाठ दाना ९कालीदाना० जडिबुटी फेला पारी चालक रामकुमार र उद्धबलाई पक्राउ गरेको जनाएको छ । उनीलाई आवश्यक कारवाहीको लागि डिभिजन वन कार्यालय धादिङमा पठाइएको जिल्ला प्रहरी कार्यालय धादिङले जानकारी दिएको छ ।
