एजेन्सी, २९ चैत्र । बलिउड अभिनेत्री कंगना रनौटद्वारा अभिनित फिल्म ‘थलाइवी’ २३ अप्रिलमा रिलिज नहुने भएको छ । तिव्र रुपमा बढ्दै गएको कोेरोना भाइरसको कारण फिल्मको रिलिज मिति सारिएको छ ।
तमिलनाडु स्व. पुर्व मुख्यमन्त्री तथा अभिनेत्री जयललिताको जीवनीमा आधारीत निर्माण भएको यस फिल्ममा कंगनाले जयललिताको भुमिका निभाएकी छिन् । फिल्मको ट्रेलर सार्वजनिक भएसँगै दर्शकहरु धेरै उत्साहित थिए ।
कोरोना महामारीलाई ध्यान दिँदै फिल्म निर्माताहरुले रिलिजको मिति सार्ने निर्णय गरेका हुन् । फिल्म निर्माताले एक सुचना जारी गर्दै सरकारको नियमलाई पालन गर्दै थलाइबीको रिलिज मिति सारेको बताएका छन् ।
