काठमाडौं, ८ वैशाख । पूर्वमन्त्री जयप्रकाश गुप्ताले प्रधानमन्त्री केपी शर्मा ओलीलाई मरेका घोडाहरुलाई चाबुक हान्न छाड्न आग्रह गरेका छन् । उनले देश कोरोना भाइरसको महामारीसँग जुध्नुपर्ने अवस्थामा प्रधानमन्त्री ओली धरहरा, भ्यू टावर र सीतारामको रथयात्रामा समय बिताइरहेको भन्दै आलोचना समेत गरेका छन् ।
आज ट्वीट गर्दै गुप्ताले प्रधानमन्त्री ओलीलाई ईगो ठिक ठाउँमा प्रयोग गर्न समेत सुझाएका छन् । विरोधीप्रति अझै आक्रामक बनिरहेको भन्दै गुप्ताले ओलीलाई अक्सिजन र औषधीको जोहो गर्नतर्फ केन्द्रित हुन भनेका छन् ।
जयप्रकाश गुप्ताले लेखेका छन्ः जतिखेर संसार अक्सिजन र औषधीको जोहो गर्न लागेको छ-नेपालमा धरहरा, भ्यू टावर, चौकहरूमा करूवा जडान, सीतारामको रथयात्रामा समय र साधन उपव्यय भैरहेको छ। प्रम @kpsharmaoli तपाईको ‘ईगो’ ठाउँमा प्रयोग होस् ! अब मरेका घोडाहरूलाई चाबुक हान्न छोडनुस् ।
