पर्सा, ९ बैशाख । १ थान पेस्तोल र २ थान म्याग्जिन सहित एक युवक पक्राउ परेका छन् । वीरगंज महानगरपालिका–१६ शंकराचार्य गेटबाट १ थान पेस्तोल र सोको २ थान म्याग्जिन सहित मकवानपुर मनहरी गाउँपालिका–५ बस्ने २५ वर्षीय राजु राना मगरलाई बुधबार साँझ प्रहरीले पक्राउ गरेको छ ।
भारत रक्सौलबाट नेपालतर्फ आउँदै गरेको उनलाई प्रहरी चौकी ईनर्वाबाट खटिएको प्रहरीले जाँच गर्ने क्रममा कम्मरभित्र लुकाई ल्याएको पेस्तोल र पाइन्टको खल्तीमा लुकाई राखेको उक्त म्याग्जिन सहित फेला पारी पक्राउ गरेको जनाएको छ । यस सम्बन्धमा थप अनुसन्धान भइरहेको जिल्ला प्रहरी कार्यालय पर्साले बताएको छ ।
