काठमाडौं, १२ वैशाख । नेपाली कांग्रेस केन्द्रीय कार्यसमितिको बैठक सोमबार बस्ने भएको छ । बैठककको एजेन्डाबारे सहमति निकाल्न आज पदाधिकारी बैठक बस्दैछ ।
सभापति शेरबहादुर देउवाको निवास बुढानिलकण्ठमा दिउँसो बस्ने बैठकमा पूर्व पदाधिकारी र केही केन्द्रीय सदस्यहरुलाई पनि बोलाइएको छ । बैठक महाधिवेशन तयारीमा केन्द्रित रहने बुझिएको छ ।
काँग्रेसभित्र क्रियाशील सदस्यता वितरणमा विवाद रहेको छ । यसको टुंगो लगाउन प्रयास चलिरहेको छ ।
यसैगरी, जेठ ६ गते हुने राष्ट्रिय सभाको उपनिर्वाचनमा पार्टीबाट सम्भावित उम्मेदवारबारे पनि छलफल हुने बुझिएको छ ।
