नवलपरासी(पूर्व), १३ । तास खेलिरहेको अवस्थामा ९ जनालाई आइतबार दिउँसो प्रहरीले पक्राउ गरेको छ । गैंडाकोट नगरपालिका–१६ बेल्डिया बस्ने डिलाराज लामिछानेको घरमा जुवातास खेलिरहेको अवस्थामा लामिछाने समेत ९ जनालाई आइतबार दिउँसो प्रहरीले पक्राउ गरेको हो ।
जुवातास खेलिरहेको खबर प्राप्त हुनासाथ जिल्ला प्रहरी कार्यालय नवलपरासी (पूर्व)बाट खटिएको प्रहरीले उनीहरुलाई नगद ३३ हजार ७ सय २० नेपाली रुपैयाँ, ९ हजार ५ सय भारतीय रुपैयाँ र ४ बुक तास सहित फेला पारी पक्राउ गरेको जनाएको छ । यस सम्बन्धमा प्रहरीले थप अनुसन्धान गरिरहेको बताएको छ ।
