एजेन्सी, १६ वैशाख । भारतमा कोरोना भाइरसको संक्रमणबाट मृत्यु हुनेको दर दिनहुँ वृद्धि भइरहेको छ । दिनहुँजसो मृतक र संक्रमितको दर बढिरहँदा आज फेरि रेकर्ड ब्रेक भएको छ ।
बितेको २४ घन्टाभित्र ३,६४५ जनाको मृत्यु भएको तथ्यांक छ । ३,७९,२५७ जना नयाँ संक्रमित थपिएका छन् ।
भारतमा अस्पतालहरु कोरोना भाइरसका संक्रमितले भरिएका छन् । अस्पतालमा शैयाहरु पाउन कठिन भएको छ । अक्सिजनको अभाव देखिएको छ ।
यसैगरी, ब्राजिललाई उछिन्दै भारत विश्वमा सबैभन्दा बढी कोरोना संक्रमित हुने देशको सूचीमा दोस्रो स्थानमा पुगेको छ ।
