सोलुखुम्बु, १९ बैशाख । विभिन्न हातहतियार सहित एक जनालाई प्रहरीले पक्राउ गरेको छ । सोताङ गाउँपालिका–१ स्थित पावै सामुदायिक जंगलबाट ३ थान भरुवा बन्दुक, ८ सय ग्राम बारुद, १ किलो फलामको टुक्रा, १ थान केप, १० मिटर तार र टर्च लाईटमा प्रयोग हुने ७ थान व्याट्री सहित सोही गाउँपालिका बस्ने दिल बहादुर भन्ने ३४ वर्षीय गंगा बहादुर गिरी शनिबार साँझ पक्राउ परेका हुन् ।
गिरी समेत ५ जना शिकार खेल्न गएको अवस्थामा बन्दुक पड्किएको आवाज सुनेपश्चात प्रहरी चौकी वाकुबाट खटिएको प्रहरीलाई देख्ना साथ अन्य ४ जना हतियार फाली फरार भएपछि उनलाई उक्त हातहतियार सहित फेला पारी पक्राउ गरेको जनाएको छ । फरार अन्य ४ जनाको खोजी गर्नुका साथै यस सम्बन्धमा प्रहरीले थप अनुसन्धान गरिरहेको बताएको छ ।
