एजेन्सी, १९ बैशाख । बलिउड स्टार सलमान खानको बहुप्रतिक्षित फिल्म ‘राधे: योर मोस्ट वान्टेड भाई’ को दर्शकहरु व्यग्र प्रतिक्षामा छन् । यो फिल्ममा सलमानले दिशा पटानीसँग अभिनय गरेका हुन् ।
केही दिन अघि मात्र रिलिज भएको फिल्मको ट्रेलरलाई दर्शकले निकै मन पराएका छन् । फिल्मको ट्रेलरपछि सलमान र दिशाको ‘सीटी मार’ गीत रिलिज भएको थियो । निर्माताले फिल्मको ट्रेलर र गीतको भिडियो रिलिज पछि एक भिडियो शेयर गरेका छन् । जसमा सलमान र दिशाको उमेरको बारेमा कुरा भएको देखिन्छ ।
फिल्मको ट्रेलरमा सलमानको चुम्बनको सिन थियो । चुम्बनको सिन भाइरल बनेपछि यस विषयमा सलमानले प्रतिक्रिया दिएका छन्, ‘यस फिल्ममा चुम्बन पक्कै छ तर दिशासँग होइन् ।’ फिल्ममा सलमान र दिशासँगै रणदीप हुड्डा र ज्याकी श्राफको पनि मुख्य भुमिका रहेको छ ।
