काठमाडौं, १९ बैशाख । लागूऔषध ब्राउनसुगर सहित २१ वर्षीय युवक पक्राउ परेका छन् । बेलडाँडी गाउँपालिका–३ बिचपट्टी भन्ने स्थानबाट ३ ग्राम ९ सय मिलिग्राम अवैध लागूऔषध ब्राउनसुगर जस्तो देखिने पदार्थ सहित बेलडाँडी गाउँपालिका–५ ईमलिया बस्ने २१ बर्षीय गोपाल रानालाई शुक्रबार बिहान प्रहरीले पक्राउ गरेको हो ।
भारतबाट नेपालतर्फ आइरहेको से.१ प ५०१८ नम्बरको मोटरसाइकल प्रहरी चौकी झिलमिला र सशस्त्र प्रहरी बल नेपाल बिओपी झिलमिलाबाट खटिएको संयुक्त टोलीले जाँच गर्दा मोटरसाइकल चालक गोपालको साथबाट उक्त पदार्थ फेला पारी पक्राउ गरेको जनाएको छ ।
