काठमाडौं, २० बैशाख । प्रमुख प्रतिपक्षी दल नेपाली कांग्रेसको पदाधिकारी बैठक बस्ने भएको छ । प्रधानमन्त्री केपी शर्मा ओलीले यही बैशाख २७ गते संसदमा विश्वासको मत लिने भएपछि कांग्रेसको पदाधिकारी बैठक बस्न लागेको हो । सभापति शेरबहादुर देउवाको निवासमा आज दिउँसो २ बजे बैठक बस्न लागेको हो ।
लुम्बिनी प्रदेशमा हिजो बहुमत सांसदहरुको हस्ताक्षरसहित नयाँ सरकार गठनको लागि दाबी गरेको अवस्थामा एमालेका शंकर पोखरेललाई मुख्यमन्त्री बनाईएको भन्दै सभापति देउवाले विरोध जनाइसकेका छन् । यो विषयमा पनि आजको बैठकमा छलफल हुने बुझिएको छ । File Photo/ReportersNepal
