काठमाडौं, २१ बैशाख । नेपाली बजारमा सुनचाँदीको भाउ केही दिन यता थपघट हुँदै आएको छ । आज सुन प्रतितोला २ सय रुपैयाँले बढेको हो ।
सोमबार प्रतितोला ९० हजार ४ सय रुपैयाँमा खरिद विक्रि भएको छापावाल सुन आज प्रतितोला ९० हजार ६ सय रुपैयाँ कारोबार भएको नेपाल सुनचाँदी व्यवसायी महासंघले जनाएको छ ।
त्यस्तै, ८९ हजार ९ सय रुपैयाँमा हिजो कारोबार भएको तेजाबी सुन आज २ सयले बढेर ९० हजार १ सय रुपैयाँमा कारोबार भैरहेको छ ।
महासंघको अनुसार सोमबार प्रतितोला १३ सय रुपैयाँमा कारोबार भएको चाँदी आज २५ रुपैयाँले बढेर १३ सय २५ रुपैयाँमा कारोबार भैरहेको छ ।
