काठमाडौं, २७ बैशाख । राष्ट्रिय परिक्षा बोर्डले यो वर्षको एसईई र कक्षा १२ को परिक्षा स्थगित गरेको छ । आज बसेको बोर्डको बैठकले परिक्षा स्थगित गर्ने निर्णय गरेको हो ।
यसअघि बोर्डले जेठ २३ गते एसईई र २६ गतेबाट कक्षा १२ को परिक्षा तालिका सार्वजनिक गरेको थियो । अर्को सुचना नआएसम्मका लागि परिक्षा स्थगित गरेको बोर्डले जनाएको छ ।
नेपालमा कोरोना संक्रमणदर अत्यधिक बढेकोले सरकारले नियन्त्रणको लागि बैशाख १६ गतेबाट काठमाडौं उपत्यकामा निषेधाज्ञा जारी गरेको छ ।
