काठमाडौं, २ जेठ । तास खेलिरहेको अवस्थामा १३ जनालाई प्रहरीले पक्राउ गरेको छ । काठमाडौं महानगरपालिका–२० रामघाट बस्ने मैयाश्वरी पुजारीको घरमा तास खेलिरहेको अवस्थामा ६ जना पुरुष र ७ जना महिला गरी १३ जना शनिबार साँझ पक्राउ परेका हुन् ।
मैयाश्वरीको घरमा तास खेलिरहेको खबर प्राप्त हुनासाथ महानगरीय प्रहरी वृत्त जनसेवाबाट खटिएको प्रहरीले उनीहरूलाई नगद ६२ हजार ८ सय ८५ रुपैयाँ सहित फेला पारी पक्राउ गरेको जनाएको छ । यस सम्बन्धमा प्रहरीले थप अनुसन्धान गरिरहेको छ ।
